नमस्कार मित्रांनो बंधु-भगिनिंनो,
आपल्या जवळ काही नसताना दुस-याला देण्यासाठी एकच वस्तु आहे... ती म्ह्णजे सुख! हे सुख मला गोर गरिबांपासुन ते माझ्या शेतकरी बांधवा पर्यंत, युवकां पर्यंत कसे पोहचवता येईल या साठी वै. निवृत्ती शेठ शेरकर सतत प्रयत्न करत राहिले. शिरोलीच्या ओसाड माळरानाकडे बघताना यातुन आपले जुन्नर तालुक्याचे नंदनवन करण्याचे स्वप्न साकार होईल का? असे मनात येताच शेजारीच असणा-या विघ्नहर्त्याने कृपा दृष्टीने पाहिले, विघ्नहराची कृपा झाल्याबरोबर 'रामकृष्णमोरे' धावून आले. बघता बघता हजारो हाथ कामाला आले आणि विघ्नहर सह. साखर कारखाना उभा राहिला.
'देव माणुस म्हणुन शेठबाबांची प्रतीमा घरा-घरात पोहचली. त्यांच्याच मार्गदर्शनाखाली वै. सोपानशेठ शेरकरयांनी आपल्या प्रेमळ-गोड-स्पष्ट वकृत्वाने कारखाना फ़ुलविला. अनेक नाही तर हजारो संसार उभे राहिले. या दोघांचे कार्य अगदी त्यांच्या बोटाला धरुन तर कधी त्याच्या सहवासाने मी जवळुन पाहु शकलो. माणुस अन माणुस त्यामुळे कळला.

गेली अनेक वर्ष समाजकारणाचा व राजकारणाचा वसा मला माझ्या या पितृतुल्य देव माणसांकडुन घेता आला. त्यांनी केलेले काम आपण सर्व जाणताच. त्यांचे कर्तव्य जनमाणसांना ज्ञात आहेच. त्यांच्याच पावलावर पाऊल ठेवत, त्यांच्या कर्तव्याचा वारसा समर्थपणे पुढे चालविण्यासाठी, जुन्नरच्या विकासात नवे आयाम प्रात्प करुन देण्यासाठी, येथीलयुवा, जेष्ठ, आणिशेतकरी, मजुर, कामगार आणि सर्व नागरीकांचे प्रश्न मार्गी लावण्यासाठी, जुन्नरचे नाव जगाच्या नकाशावर अधिक ठळक करण्यासाठी, मी सत्यशिल सोपानशेठ शेरकर आपल्या समोर येत आहे.
शेठबाबा व माझे वडील या शिवाय आपल्या सर्वाच्या प्रेमामुळेच आज मी आपल्या समोर येऊ शकलो, असे मी मानतो. या मागे मी आजवर केलेल्या छोट्या – मोठ्या सामाजिक, शैक्षणिक, राजकिय कार्याची दखल, वाडवडीलांचे संस्कार आणि प्रत्यक्ष व अप्रत्यक्ष लाभलेले सहकारी मित्रांचे मार्गदर्शन यांचा मोलचा वाटा आहेच. पण तुमच्या आशिर्वादांशिवाय आणि शुभेच्छां शिवाय हे शक्य नाही. मी आपणास धन्यवाद देऊन सलाम करतो.
आपला,
श्री. सत्यशिल शेरकर